Inicio > Llagares > Oru pal Llagar Riestra nos premios de la revista Cidercraft
Llagares

Oru pal Llagar Riestra nos premios de la revista Cidercraft

Algamó ‘Duple gold’ y ‘Gold (tie)’ na categoría ‘Sour’ de la espublización estauxunidense

LA SIDRA.- Cidercraft ye una revista impresa y en llinia que s’espubliza tres vegaes al añu nos Estaos Xuníos y que se centra n’ellaboraores artesanos de sidre, anque tamién espubliza recetes de cócteles orixinales, reportaxes sobro la bébora, artículos d’opinón o encamienta estremaes harmonizaciones. Amás, tamién cellebra un concursu internacional. y nesi certame Sidra Riestra algamó dos reconocencies na categoría “Sour”: ‘Duple gold’ pola so sidre natural, y ‘God(tie)· pola llamada ‘Gold celan funk’; ello ye, los puestos más altos de la citada categoría. El concursu compúsose en total de catorce: tradicional, moderna, sidre de pera, monovarietal, rosada, avieyada en maera, ácida-agria (sour), frutes con güesu, fruta, reposada, especiada, botánica, especial y de postre.

“Lo productos presentaos a la convocatoria abierta foron degustaos nuna tastia a ciegues por espertos de la industria de la sidre, investigaores, productores, escritores y ‘pommeliers’, ellos determinaron les meyores sidres de ca categoría. Los resultaos preséntense ne volume 14 de la revista, que s’espublizará en xineru” indicaron dende Cidercraft.

 

(Visited 2.445.398 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies