La empresa asturiana allega a Foodex Japan en presentando los sos productos en Gulfood Dubai.
LA SIDRA.- El grupu El Gaiteru allega un añu más a Foodex Japan y, dende’l 6 al 9 de marzu, de 10:00 a 18:00, va presentar los sos productos en Makuhari Messe na llocalidá de Chiba, Xapón.
Xapón ye considerao la puerte a los mercaos asiáticos, y Foodex foi la mayor esposición dedicada al seutor alimentariu y de bébores non yá en Xapón, sinón a nivel mundial demientres más de 30 años.
Mentes los cuatro díis que dura la feria, espérase qu’asistan alrodiu de 82.000 compraores del mercáu alimentariu, distribución y comerciu, munchos d’ellos de países estranxeros. Tamién va haber charres con productores nacionales ya internacionales y va prestase atención a les oportunidaes d’espansión del negociu.
El mes pasáu, del 18 al 22 de febreru, Grupu El Gaiteru asistió a la 23ª edición de la feria Gulfood, cellebrada nel Dubai World Trade Centre, la mayor feria del seutor agroalimentariu d’Oriente Mediu, onde se dan cita más de 5.000 empreses espositores de 185 países.