Inicio > Chigres > Sidracrucis’21 ¡Ye lo qu’hai!!
ChigresCultura sidreraEventosPSLASidreturismuSin categoría

Sidracrucis’21 ¡Ye lo qu’hai!!

La decimosesta edición del  Sidracrucis sedrá distinta, afayándose a la situación xenerada pol andanciu del Covid’19

LA SIDRA.- El coronavirus nun pue con nós, l’andanciu privomos de munches coses prestoses, pero afortunadamente esti añu cellebraremos por decimosesta ocasión el Sidracrucis, dientru les actividaes de la Primer Sidre L’Añu

La mayor y más sentía procesión sidrera cellebraráse’l vienres 2 d’abril y percorrera los chigres que cuntarán del 1 al 4 d’abril  con Sidra Huerces, la Meyor Primer Sidre l’Añu 2021.

Los chigres participantes nel eventu son:

  • Sidrería La Montera Picona de Ramón
  • Sidrería Poniente
  • Sidrería Nuevo Parque
  • Sidrería El Veleru
  • Sidrería Tírate al Matu
  • Sidrería Jaime
  • Sidrería El Centenario

Pero hai munches novedaes. Esti añu la procesión sidrera tendremos que faela en grupos 4 a 6 presones -sigún queden fuera o dientru’l chigre-, y fadráse de la siguiente manera.

La iscripción sedrá ensin llímite de participación, tendrá un costu de 5 €, ya incluirá:

  • Mázcaru Sidreru. Pa identificase nos chigres, y qu’estos puedan tratar como merecen a los procesionantes.
  • Primer botella de sidre pagada. El restu caún paga lo que beba. -entiéndese qu’una botella sidre en total, non una en ca chigre del Sidracrucis-
  • Mapa de Xixón colos chigres participantes, ¡¡pa nun perdese!!!
  • Etiqueta comemorativa. Esclusiva pa los participantes
  • Carné de Sidracrucis. De cumplimentalu cuñandolu nos 7 chigres regalaráse’l llibru “Con tastu a sidra”, obra del afamáu cocineru asturianu Lluis Nel Estrada

P’apuntase hai que ponese en contautu cola organización bien al T. 652 59 49 83 o al e-mail infolasidra@gmail.com.

Nesti casu ye perimportante organizase bien, pa formar los grupos y pa nun coincidir toos a la vegada nel mesmu chigre, eso sí, siempres que se coincida hai que canciar:

Xermanín, Xermanín
echa un culete
Xermanín, Xermanín
echa un culín!!

Échalu
dende bien altu
Échalu,
qu’espalme bien!!

PRIMER SIDRE L’AÑU / MEYOR PRIMER SIDRE L’AÑU / SIDRACRUCIS / TASTIA GUIADA / IX CONCURSU DE SIDRE CASERO FECHO EN MAERA

 

 

 

(Visited 1.226.981 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies