Inicio > Chigres > El Momento de L.lena
ChigresChigresEncamientos

El Momento de L.lena

Paola Goulart lleva yá más d’un añu xunta’l so fíu Kevin Goulart al frente d’esti acoyeor negociu familiar asitiáu mui céntricu, a la vera del Parque Infantil.

LA SIDRA.- Tres varios años trabayando nel seutor hosteleru deciden istalase pa montar el típicu chigre onde’l tapéu ye una base de la carta, pero deciden innovar en dellos platos y asina dende la so cocina d’aniciu brasileñu, podemos degustar una esquisita picaña al corte y al estilu brasileñu. La man de la cocinera tamién se nota nes sos otres especialidaes como son el llacón con grelos, el rabu toru, les caces de gochu o unes esquisites carrilleres de xata y por encargu ellabórenmos cualisquier triba cachopu.

Como nun podía faltar hai postres enforma, los más d’ellos caseros.

Deprendieron y saben la importancia del papel que xuega la sidre y dar al veceru el meyor serviciu nesti apartáu, asina non solo la so temperatura sinon tamién l’echala y daqué más… la posibilidá d’escoyer dientru d’un ampliu y variáu abanicu de palos, tenemos Orizón, acabante de gallardonar nel recién Festival de Nava, Viuda de Angelón, Viuda de Palacios, JR, Trabanco sobro la madre o Muñiz d’Escoyeta.

 

Sidrería El momento. Luis Menéndez Pidal. La Pola l.lena                               T. 984 190 814

(Visited 2.445.328 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies