Inicio > Cultura sidrera > ROZA, la Meyor Primer Sidre L’Añu 2022
Cultura sidreraEncamientosEventosLlagaresPSLASidreturismuTasties

ROZA, la Meyor Primer Sidre L’Añu 2022

Sidra Roza sedrá la sidre oficial de la Primer Sidre L’Añu 2022 que se cellebrará del 14 al 17 d’esti mes n’El Muséu del Pueblu d’Asturies

LA SIDRA.-. La final del concursu de la Meyor Primer Sidre tuvo de protagonistes a la sidre d’Acebal, Alonso, Cabueñes, J. Tomás, Buznego, Roza y Cortina, previamente seleicionaes na primer fase del concursu, que fueron valoraes por un xuráu, con Manuel G. Busto de presidente , y acompañáu por  Miguel Prieto, Manuel Castro, Emilio Rubio y Ana María Viciosa, cuntándose con Alejandra Venegas como echaora.

La final que se rializó en dos vueltes, esbilló nuna primer fase a la sidre d’Acebal, Buznego y Roza, que fueron de nueu valoraes, resultando Roza la ganadora con un total de 89 puntos de los 100 posibles, seguía a curita distancia poles otres dos.

El premiu supón la merca de 1.000 € en sidre, y el ser la sidre oficial de la Primer Sidre L’Añu -PSLA-, onde podrá degustase la sidre non solo de Roza –que sedrá la oficial- sinon tamién de les finalistes y d’alrodiu d’otres 40 sidres que tarán a dimposición de los participantes d’esta PSLA, l’entamu de la Temporada Sidrera Asturiana.

De destacar el bon ambiente del actu, y l’asistencia de los llagareros a la final, qu’espresaron la so voluntá de siguir puxando por valorizar la sidre y la mazana.

(Visited 2.445.948 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies