Inicio > Eventos > Presentación del XIII SISGA en Xapón
EventosInternacionalLlagaresSISGA

Presentación del XIII SISGA en Xapón

El Dellegáu Internacional de la Fundación Asturies XXI, Anzu Fernández, impartirá sendes conferencies el 24 y 30 d’esti mes en Xapón, presentando’l XIII SISGA -Salón Internacional de les Sidres de Gala-, y falando de la sidre asturiano.

LA SIDRA.- Una dellegación de la Revista LA SIDRA y de la Fundación Asturies XXI desplazóse a Xapón pa participar na Tokyo Cider Collection 2023, una de les mayores feries internacionales de sidre, referencial en tol continente asiáticu, que cellebrará la so ochava edición a finales del mes de xunetu.

Los oxetivos son múltiples, per un llau recoyer les actividaes de la feria y l’actualidá sidrera del país, y per otru protagonizando dos conferencies dientru’l programa del eventu, nes que se presentará’l XIII Salón Internacional de les Sidres de Gala, la sidre asturiano y la cultura asturiana de la sidre.

Asina, Anzu Fernández -dellegáu internacional de la Fundación Asturies XXI- impartirá dos conferencies dientru del ciclu formativu d’esti eventu. La primera d’elles tendrá llugar el 24 xunetu n’Hiroshima como parte del seminariu de sidre pa profesionales de la hostelería entamáu pol llagar Kimura. La segunda conferencia, tendrá como escenariu’l rascacielos Tokyo Big Shigt, cuntando col sofitu del llagar Fukiware Cidrerie y la sidrería tokiota Sidrería Eclipse First.

Nes conferencies, arriendes de presentar el XIII SISGA, versarán sobro la hestoria de la sidre d’Asturies, les peculiaridaes de la nuesa cultura sidrera, l’actualidá del seutor sidreru y tamién incluirán una masterclass d’echáu de sidre. Too ello averará’l nuesu país al públicu profesional y particular de la capital xaponesa y servirá tamién pa desendolcar futures rellaciones con productores.

 

Pa recibir el PDF de la revista LA SIDRA fai falta tar dáu/da d’alta nel whatsapp de LA SIDRA


(Visited 2.557.990 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies