Inicio > Cultura sidrera > Luis Álvarez gana’l I Concursu de Sidre d’Espicha
Cultura sidreraEventos

Luis Álvarez gana’l I Concursu de Sidre d’Espicha

Entamáu pola asociación de Llagareros Artesanos del Caudal, cellebróse’l pasáu 19 marzu en Ribera d’Arriba

LA SIDRA.- Nesta primer convocatoria del concursu de Sidre d’Espicha -l’únicu qu’esiste anguañu d’eses carauterístiques-, participaren 28 llagareros artesanos cola so sidre, de la qu’un xuráu popular escoyó  les 8 meyores que pasaron a ser valoraes por un un Xuráu profesional compuestu por Joaquín Fernández, Miguel Ángel Pereda, del CSAM, y Francisco Gutiérrez, llagareru de sidre casero de Gozón.

Ye mester desplicar que la sidre d’espicha ye la sidre nuevo, la primer sidre l’añu, ensin trasegar, y qu’en munchos conceyos, como son los del Nalón y del Caudal la sidre d’espicha, sírvese tradicionalmente ensin echalo dende l’altu, tolo más a unos 25 cm d’altor, lo que fai camudar enforma’l so saborgu.

Tres les delliberaciones, el resultáu fo’l que vien darréu:

  • 1º.- Luis Álvarez, de Mieres
  • 2º Adrián Gavela, de Morcín
  • 3º.- Adolfo Menéndez, de Mieres

Dende l’asociación de Llagareros Artesanos del Caudal feliciten a tolos participantes pol altu nivel, y agradecen al Alcalde de Ribera d’Arriba, Tomás Fernández y a los conceyales, la so participación na organización del eventu.

(Visited 1.731.131 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies