Inicio > Eventos > 56 sides pa visitar Madrid Fusión
EventosGastronomíaInternacionalSidreturismuTasties

56 sides pa visitar Madrid Fusión

La sidre asturiano, maridaxe perfechu de la ufierta gastronómica del certame.

LA SIDRA.- Asturies cunta, per primer vegada, con stand propiu nel Congresu Internacional de Gastronomía Madrid Fusión, del 22 al 24 de xineru, certame que se cellebra añalmente na capital dende l’añu 2003, y nel que tará presente la revista LA SIDRA.

El stand 56 va ser el designáu pola organización pa representar la ufierta gastronómica asturiana, con tasties de toa triba de productos autóutonos.

El llunes 22, de 12:30 a 14.30 va haber tastia de quesos asturianos, pan ecolóxicu y sidre brut; y de 19:00 a 19:30, cachopu, choscu, fabada, pexe y xata asturiana con sidre DOP.

Y el martes 23, de 18:00 a 19:30, va desendolcase’l taller “La sidre d’Asturies na alta restauración”, al cargu del xef Nacho Manzano y del sumiller Juan Luis García de Casa Marcial, establecimientu en Les Arriondes gallardonáu con dos estrelles Michelín.

Grupu El Gaiteru va ser l’encargáu de representar la nuesa bébora por escelencia, con productos como la sidre de xelu 1898, Pomarina DOP, Valle, Ballina y Fernández Brut Nature, la sidre entemecío con mostiu Tempranillo Red Grape y Terciu El Gaiteru.

(Visited 390.204 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies