Inicio > Eventos > La sidre asturiano n’Hiroshima
EventosInternacionalSISGA

La sidre asturiano n’Hiroshima

Ayeri llunes 24 de xunetu tuvo llugar na ciudá nipona d’Hiroshima la primera de les conferencies que la Fundación Asturies XXI da comu parte del so itinerariu pa la presentación del XIII SISGA y de la cultura asturiana de la sidre en Xapón

LA SIDRA.- L’eventu, cellebráu dientru de la Tokyo Cider Collection 2023, foi patrocináu y sofitáu pol llagar xaponés Kimura, tuvo llugar nel edificiu YMCA del cientru la ciudá d’Hiroshima, y nelli participaron Tatsuro Fuji comu llagareru de la Fukiware Cidrerie de la prefectura de Gunma y Anzu Fernández Pérez y Aymara González Montoto comu representantes de la Fundación Asturies XXI.

Dientru’l simposiu, lleváu a cabu íntegramente en xaponés, presentóse¡l XIII Salón Internacional de les Sidres de Gala, falóse de la nuesa tradición sidrera, peculiaridaes del nuesu productu, detalles de la situación d’anguañu, nueves tendencies nel mercáu, y del procesu pa que la cultura asturiana de la sidre seya reconocía pola Unesco como Padremuñu Inmaterial de la Humanidá.

Arriendes d’ello, féxose una demostración d’echar sidre, tastia guiada de sidres Mayador, Busto y Martínez Sopeña, y en xeneral dióse a conocer el nuesu país énte un mui interesáu y multitudinariu públicu sicasí esclusivu, formáu por profesionales del seutor, llagareros y direutores de la industria hostelera nipona.

Por supuestu ún de los cimeros envises d’esta intensiva serie de conferencies ye l’espardimientu de la prósima edición del Salón Internacional de les Sidres de Gala, que tendrá llugar esti setiembre cola so 13a edición y axuntará a llagareros de más de 20 países y nel qu’esperamos cuntar con una perbona representación xaponeses. Ente ellos a la cabeza l’embaxaor de la sidra asturiana nesti país y miembru de la Bona Confradería de Siceratores Tatsuro Fuji, céllebremente conocíu pola so sidrería en Tokyo Eclipse First Sidreria.

Esti seminariu ye parte de la serie de conferencies que los representantes asturianos dan a lo llargo del so itinerariu per 9 ciudaes de Xapón.

Dende’l país del sol naciente, siguiremos informando.

Pa recibir el PDF de la revista LA SIDRA y preciso tar dau/da d’alta nel whatsapp de LA SIDRA


(Visited 2.503.947 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies