Inicio > AS > Noticies > Presentación de la “Ruta de los llagares” de Sieru
Noticies

Presentación de la “Ruta de los llagares” de Sieru

Tuvo llugar nel Llagar Sidrería La Morena, Viella.

LA SIDRA.- Hai unos meses l’Ayuntamientu Sieru entrugó a los Llagareros del Conceyu qué-yos paecía que facía falta dar puxu nel seutor llocal. Dempues de varies conversaciones llegaren a la concluxón de que la información sobro onde ta ca llagar ye fundamental. Ello asina entamó a tresnase una guía onde s’espeyen datos actualizaos de tolos llagares del Conceyu.

El Llagar La Morena, ún de los más antiguos de Sieru, foi el llugar onde se presentó’l material recoyíu que formará parte de la guía. EN La pola Sieru esisten anguañu doce llagares: Casa Fran en Llugones, Corzo en Granda, La Morena en Vieya, Arbesú en Santa Marina, Los Bayones en Cualloto; y en Tiñana están: Casería del Obispo, Fanjul, Fonciello, Juanín, Muñiz, Quelo y Viuda de Palacio.

 

Na páxina ueb del Ayuntamientu Sieru podía descargase un documentu en pdf, escritu n’asturianu, nel que s’espón la hestoria de ca llagar. Sigún indica na mesma ueb, ésti foi redactáu en 2012. Asina mesmo siñala: “El conceyu Sieru ye conocíu pola so tradición y escelencia llagarera, siendo’l tercer conceyu d’Asturies en númberu llagares, destacando nesti sen la collación de Tiñana, na que se concentra’l mayor índiz de produición de sidre por númberu vecinos”.

(Visited 685.345 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies