Inicio > AS > Noticies > Presentación d’Apple Tónic
Noticies

Presentación d’Apple Tónic

Güei a les 17:30 la sidrería La Noceda, de Gascona, acueye la presentación del Apple Tónic, un nueu combináu d’auguardiente de sidre y tónica.

LA SIDRA.- La presentación fadráse demientres la clas maxistral entamada pa hosteleros y camareros de les sidreríes de Gascona, a cargu de Nacho Capín y ta promovida pol llagar Casería San Juan del Obispo y la propia asociación d’hosteleros de Gascona.

Nacho Cuevas Capín ye conocíu en munchos ambientes comu’l Ferrán Adriá de la coctelería, en reconocencia a la creatividá de los sos cócteles y de la pasión pola so profesión, nel so haber, tres más d’una década d’exerciciu profesional atópase’l premiu al meyor cocteleru d’Asturies o al meyor Gin Tónic.

 

L’auguardiente aneyu de sidre Salvador del Obispo, ye un destiláu direutu de sidre asturiano 100% natural. Sidre esclusivo de la Casería San Juan del Obispo que se destila n’alquitares de destilación lento (per baxo de los 80º C) lo que-y permite algamar los alcoles más volátiles y sutiles, asina comu los ellementos arumáticos más potentes: l’ánima de la sidre. El destiláu frescu y puru, pásase a carbayu y permaez maureciendo y avieyando demientres 9  años. Nun s’amiesta denguna sostancia y córchase col grau alcólicu resultante del so llargu avieyamientu: 42’5% d’alcol. De collor ámbare, rellumante y llímipidu, tien arumes turriaos, fondu de vainilla y aguiyada d’alcoles perfinos y sutiles. En boca tien un gustu suavemente a fuste, a mazana mauro y compota, llixéramene dulce, balsámico, equillibrao y elegante.

Con esta presentación Gascona reivindícse de nueu comu llugar d’alcuentru y esperimentación nel mundiu la sidre, que sigue sofitando tolo que les empreses y los profesionales asturianos fain alrodiu d’esta bébora.

(Visited 797.748 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies