Inicio > Cultura sidrera > Muyeres qu’echen sidre
Cultura sidreraEchaores

Muyeres qu’echen sidre

Lo mesmo que ‘Muyeres del Llagar’, la revista LA SIDRA ta entamando una estaya que dará nun llibru nel que se recueya la esperiencia y los testemuños de les muyeres que, de forma más o menos profesional, tola vida echaron sidre

LA SIDRA.- Na revista d’esti mes espublízase un primer artículu de Susana Sela, que sedrá la escritora que llevará allantre’l proyeutu na so parte escrita, centrando’l proyeutu y dando un visión xeneral de lo que va ser el so desendolcu.

Nesi sen, tamién pide la collaboración d’aquelles presones que conozan a ‘muyeres qu’echen sidre’, especialmente si son mayores, pa incluyiles el proyeutu.

El teléfonu de contautu con Susana Sela ye: 616 91 31 95

L’artículu al que facemos referencia entama asina:

La sidre, bébora emblemática asturiana, tien venceyao una bayurosa tradición cultural, qu’espárdese d’una xeneración a otra. Siempres presente nos festexos y momentos compartíos, la participación activa de les muyeres nesti mundiu remanez arrequexada nun papel secundariu, magar que siempres tuvieron ehí

Muncha xente camienta que’l fechu de que les muyeres echen sidre ye rellativamente modernu. Sicasí, alcontramos semeyes antigües y documentos que demuestren que les muyeres yá taben involucraes nesta actividá. Magar que daquella los homes y muyeres separtábense en grupos diferentes (les muyeres cola reciella), sí participaben nes xires y festexos echando y bebiendo sidre.

Poro, al somorguiamos na hestoria la sidre, ye imperativu estudiar la evolución del papel de les muyeres nesti alrodiu, au entamaron desendolcando funciones consideraes menores, como pañar la mazana o llavar les botelles, pero tamién participaben nos eventos sociales.

Esti artículu quier ufrir un analís del texíu social y cultural que vivieron y viven les muyeres nel mundiu la sidre, rescamplando la so contribución, los desafíos qu’enfrenten y la tresformación progresiva que tien llugar a lo llargu’l tiempu.

LLEER ARTÍCULU COMPLETU

 

Pa recibir el PDF de la revista LA SIDRA, fai falta tar dáu/da d’alta nel whatsapp de LA SIDRA ¡Gratis!

 

(Visited 2.488.995 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies