Inicio > Gastronomía > Merluza a la sidre nes I Xornadas Gastronómiques Ruta Vía de La Plata —
Gastronomía

Merluza a la sidre nes I Xornadas Gastronómiques Ruta Vía de La Plata —

Trátase d’una iniciativa interescueles na que participen el CIFP Hostelería y Turismu d’Asturies en Xixón, l’IES Valle d’Ayer y el CIFP de Zamora

LA SIDRA.- La Ruta Vía de la Plata ye ún de los itinerarios más conocíos y llamativos del Estáu pola so hestoria, guapura natural y bayura monumentar. Amás de conocer en fondura tolos sos requexos metanes les sos xoyes arquiteutóniques o los sos edificios emblemáticos, la Ruta Vía de la Plata ufre al viaxeru otros munchos recursos pa descubrila en tol so esllendor.

Al Imperiu Romanu atribúise con perdiscutibles argumentos tener dexao como llegáu una parte de la gastronomía, cuya mayor bayura reside na calidá de les materies primes y nes tradiciones culinaries y asina quinxérenlo amosar les Escueles d’Hostelería qu’a lo llargo de payares ufrirán unes “Xornaes gstronómiques interescueles” en tres cientros que s’enarten dientru’l progrma Gastrovía Ruta Vía de la Plata.

En Morea llevaránse a cabu güei martes 20. miércoles 21 y xueves 22. En Xixón míércoles 21, xueves 22 y vienres 23. Y en Zamora míercoles 21 y xueves 22

El menú:

• Aperitivu con base de Quesu Zamoranu (DOP)

• Garbanzos de Fuentesaúco (IGP) con boletus

• Fabada Asturiana (IGP Faba Asturiana)

• Merluza a la sidre

• Cabritu guisáu con patatinos.

• Arroz con llechi

Precio: 15€

Esta ‘Gastroguía’ faise en collaboración cola Oficina Téunica de Xestión de la Rede de Cooperación de Ciudaes na Ruta la Plata, que dende va varios años da a conocer la variedá y bayura de l cocina a lo llargo d’esti hestóricu itinerariu.

¿Los contautos? IES Valle de Aller: 985 480 469. CIFP de Asturies 684 645 376 (miércoles, xueves y vienres de 12:00 a 14:00). Y CIFP Zamora: 980 515 414 .

(Visited 469.936 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies