Inicio > Chigres > Nueva imaxe de Sidrería Las Peñas
ChigresChigresEncamientosEncamientosGastronomía

Nueva imaxe de Sidrería Las Peñas

La emblemática sidrería merenderu de Santuriu –Xixón- cellebró na tardi nuechi d’ayeri l’anovación de la so imaxe con un diseñu modernu y especialmente afayaízu.

Si la Sidrería Merenderu Les Peñes yá yera por méritu propiu un llugar de referencia nel alrodiu xixonés, el procesu d’anovación d’imaxe refrenda entá más el so llideralgu. Un diseñu modernu y afayaizu a la so condición de sidrería, con una illuminación acuridiada qu’apurre un calter entá más atopaízu, un ameyoramientu significativu de la sonoridá, un diseñu xeneral acertáu, y un considerable xorrecimientu del espaciu dedicáu espresamente a sidrería, la Sidrería Las Peñas marca un enclín renovador que de xuru va atopar siguidores.

Na xornada d’ayeri, n’horariu de tardi/nuechi tuvo llugar la cellebración d’esta nueva imaxe, favoreciendo que munchos veceros y amigos -ya inclusive otres persones que queríen conocer esta nueva imaxe de la sidrería- averárense a Las Peñas, onde fueron escepcionalmente bien acoyíos por tol equipu de la sidrería, qu’amás de la so variada ufierta de sidre –Segundo, Trabanco normal y d’Escoyeta, Piñera y Piñera DOP, –  y un variáu surtíu de pinchos  sumó’l bon faer del cortador de jamón Alfredo Suárez, que sacó lo meyor del xamón Montenevado que s’ufiertó a los asistentes.

Ente los asistentes, destacar l’asistencia de los llagareros de Piñera, Trabanco y El Duque, que nun quixeron perder esta ocasión pa felicitar a la sidrería pola so espectacular anovación.

 

(Visited 639.251 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies