Inicio > AS > Eventos > Los culinos nun aparen!
Eventos

Los culinos nun aparen!

Segundu díi de Madrid Fusión y sigue corriendo la sidre.

Tomar un culín de sidre a la entrada de Madrid Fusión yá ye una tradición nesti congresu. Por cuenta de la importancia del cume, esiste una alta tasa d’asistentes qu’allega añu tres d’añu. Y como dende fai dellos el stand de Xixón de Sidre ta a la entrada del Palaciu Municipal, ye natural que la xente reconoza dende llueñe la nuesa bébora tradicional y avérese fastal’echaor Wilkin Aquiles pa saludalu de nuevu y pidi-y qu’eche un culín. Ensin dulda, Wilkin foi una de les persones más fotografiaes d’esti cume gastronómicu.

 

Amás, güei foi dii de domostraciones gastronómiques p’Asturies. El xef Pedro Noriega del restorán Castru El Gaiteru, de Celoriu, participó nun showcooking xuntu con otros con otros seyes cocineros con una tapa ellaborada con conserves. Éllil ta nomináu como un de los cocineros revelación d’esti añu. Mañana daráse’l resultáu asina que ¡Puxa Asturies!

Coles mesmes un de los platos fuertes del díi foi la ponencia de Nacho y Esther Manzano: La tierra como identidá, nella desplicaron la so ideoloxía na cocina y enseñaron cómo ellaboren dalgunes de les sos especialidaes en casa Marcial. La sidre tamién tuvo presente nesta conferencia yá que la utilicen en delles de les sos preparaciones como ingrediente.

(Visited 670.962 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies