Inicio > AS > Sábadu intensu de programaciones n’An Oriant
ASCultura sidreraENESEventosEventosEventsGastronomíaInternacionalNewsNoticiesSidreturismu

Sábadu intensu de programaciones n’An Oriant

Dende’l Campeonatu Nacional de Bandes de Gaites fasta la folixa d’apertura galesa, en Breizh combátese’l calor con música.

El que piense que la fola calor atosigante qu’afuega toa Europa cauda los planes del Festival Intercélticu d’An Oriant, ta mui enquivocáu.

Güei abrióse la programación principal con el Championnat National des Bagadoù (Campeonatu Nacional de Bandes de Gaites) nes categoríes primera y segunda nel Estadiu de Moustoir, seguíu pol espectáculu Músiques y Dancies de los Países Celtes.

Poro, a la mesma vegada cellebróse’l XXXIII Mac Crimmon pa solistes de gaita nel Palaciu Congresos, ú l’asturianu Javier Menéndez alzóse comu vencedor na so categoría.

Sicasí’l que quiera durmir va tenelo percomplicao, dau que van tener llugar dos folixes impresionantes: a les 21:00, Gales sacará nel Teatru d’An Oriant los sos meyores sones pa la Nuechi d’Apertura, con lleutures de poesía tradicional, muestres corales de la man de Only Boys Aloud ya arpes con Robin Huw Bowen & Ty Teires ente otros.

D’otra miente, a les 22:00 la Delegación Acadia pondrá la so mayor apuesta nel Espace Marine, con gran desendolcu visual y musical a cargu de Vishtèn, SOLO y Le Vent du Nord et De Temps Antan.

Además del Pabellón Asturianu (muerganizau por Jesús Adrián Rodríguez Álvarez col sofitu la Oficina Turismu d’Asturies), ufierta un programa enllenud’actuacionds, siempres xuntu cola meyor sidre pa esfrutar.

La custión ye decidir ú dir, porque con semeyantes ufiertes lo difícil sedrá pegar güeyu.

(Visited 668.676 times)
Anzu Fernándi
http://www.sisga.info
Anzu Fernández ye'l dellegáu internacional de LA SIDRA y la Fundación Asturies XXI, amás de coordinar les tornes. Elli ye l’embaxaor de la sidra asturiana nes principales feries internacionales de la sidra y responsable de les dellegaciones internacionales del Salón Internacional de les Sidres de Gala (SISGA).

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies