Inicio > Chigres > La DOP ufre vasos de sidre pal usu presonalizáu
ChigresCultura sidreraEncamientosLlagaresSin categoría

La DOP ufre vasos de sidre pal usu presonalizáu

El Conseyu Regulador DOP Sidra d’Asturies pon en marcha una iniciativa que permite afaer el consumu sidre a la nueva situación d’emerxencia sanitaria

LA SIDRA.- El Conseyu Regulador alantrándose a les nueves necesidaes de consumu provocaes pola actual cris sanitario, pon a dimposición de consumidores y hosteleros 40.000 vasos de sidre que permiten el so usu presonalizáu.

L’actual pandemia causada pol Covid-19 non solo camudó los nuesos vezos cotidianos, sinón tamién la nuesa manera de consumir. La midía preventiva más eficaz p’amenorgar el riesgu d’andanciu por coronavirus básase n’evitar la prosimidá con presones portadores, que puen tresmitir el virus al traviés de les gotines respiratories que se producen cuando tuse, espirria o fala. Esta circustancia, xunto cola ausencia d’una cura probada pa la enfermedá, obliga a estremar la hixene personal.

La sidre nun ye un productu ayenu a la nueva situación xenerada pol Covid-19. La so peculiar forma de consumu social, carauterizada por compartir el vasu ente delles presones, pue vese afeutada temporalmente pol cambiu de los vezos de consumu del nuesu productu más icónicu. Por esta sida, ye d’esperar que demientres el periodu de cris sanitario, el consumidor demande vezos más seguros de consumu, como pue ser l’usu presonal de los vasos.

Por esti motivu, y coles mires de sofitar cualisquier iniciativa qu’aíde a lluchar escontra esta malura y sofitar al seutor de la sidre nestos momentos tan difíciles, el Conseyu Regulador de la DOP “Sidre d’Asturies” va repartir, de magar el 25 mayu, 40.000 vasos de sidre con seyes collores estremaos, lo que permitirá que ca consumidor pueda identificar el so vasu.

L’aición entamada pol Conseyu Regulador y valorada en más de 60.000 €, refuerza’l so compromisu col seutor de la sidre y la salú de la sociedá asturiana, promoviendo’l consumu seguru de productos con garantía de calidá y orixe ellaboraos íntegramente n’Asturies, como ye’l casu de la Sidre d’Asturies”, ellaborada al amparu del paragües de la Denominación d’Orixe Protexía “Sidre d’Asturies” que garantiza la so produición de magar mazana 100 % asturianes.

Ye momentu de lluchar polo nueso y, por ello, el Conseyu Regulador pretende qu’esti xestu engabite a reactivar el consumu de DOP Sidre d’Asturies de forma más seguro y consiguir que’l seutor hosteleru torne a resurdir dempués d’esti periodu.

(Visited 836.209 times)
Compartir

One thought on “La DOP ufre vasos de sidre pal usu presonalizáu

Comments are closed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies