Inicio > Chigres > L’auténticu cabritu con patatinos na Sidrería Les Tayaes
ChigresEncamientosGastronomía

L’auténticu cabritu con patatinos na Sidrería Les Tayaes

En Les Tayaes non too ye cabritu!

Nacho Álvarez, que lleva nel mundiu de la hostelería dende neñu, tuvo los postreros siete años en Xixón al mandu de la sidrería Les Tayaes y caltien una vecería fiel gracies a el so bon faer y la so esmerada cocina.

Les Tayaes- El Recréu ye una sidrería familiar asitiada nel popular barriu de Contrueces, onde los neños siempres son bien recibíos.

Ufierta una carta reducida, pero bien cuidada, con posibilidá de medies raciones (tayaínes y tayaones), na que primen platos tradicionales del conceyu Llaviana. Tal ye asina, que Nacho presume d’ufiertar nada menos que l’auténticu cabritu con patatinos d’esa llocalidá, escurríu pola so tía Predestina Fernández, guisandera de tola vida y cocinera del restorán Peña Mea de Villoria.

Predes, de 94 años, recibió un homenaxe en reconocencia al so llabor culinariu mientres les XXXI Xornaes Gastronómiques del Cabritu cellebraes en Llaviana en marzu de 2018, con un menú compuestu por sopa de curruscos, cabritu con patatinos y bartolos, referentes llavianeses de la gastronomía asturiana.

Amás del cabritu de Predes, que puede tastiase por encargu, Les Tayaes ufierta otres delicies culinaries demientres tol añu, como los callos Maruxa, los chipirones fritos y afogaos, les pataques en mueyu chuminesa o les pechuguines, el platu preferíu polos neños.

Y pa rematar, postres caseros, onde la estrella ye l’arroz con lleche. Too ello regao por deliciosa sidra JR o JR De Pura Madre, dependiendo de la estación del añu.

Nacho Álvarez ye miembru de l’Asociación Hostelería con Conciencia, iniciativa presentada pa lluchar contra les restricciones derivaes pola pandemia y reclamar indemnizaciones.

 

SIDRERÍA EL RECREO – LES TAYAES. Ríu Sil 2 – Xixón T. 635 634 535


(Visited 2.445.557 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies