Inicio > Cultura sidrera > La Fundación Sandra Ibarra nomará a Víctor Manuel ‘Embaxaor de la Sidre’
Cultura sidreraLlagares

La Fundación Sandra Ibarra nomará a Víctor Manuel ‘Embaxaor de la Sidre’

Sedrá na VI Espicha Solidaria frente al cáncanu y en collaboración cola DOP Sidre d’Asturies; les entraes yá tán a la vienta

LA SIDRA.- El prósimu 20 setiembre la Fundación Sandra Ibarra y la Denominación de Orixe Sidre d’Asturies van cellebrar la tradicional espicha solidaria nel Llagar Sidra Cortina, asitiáu na llocalidá de Villaviciosa, a les 20:00 hores. Un añu más dambes entidaes entamen esti eventu que supon un homenaxe al espíritu d’Asturies nel que, al traviés de los sos raigaños y tradiciones, ponen n’alza la solidaridá de les sos xentes.

La VI Espicha Solidaria tien como oxetivu esfrutar de la sidre, y faelo amás por una causa solidaria: sumar esfuerzos frente al cáncanu, yá qu’una parte de la recaldación va dir destinada íntegramente a financiar la Escuela de Vida de la Fundación Sandra Ibarra, la primer escuela de pacientes y supervivientes de cáncanu, cuyu principal oxetivu ye ameyorar la calidá de vida d’estes presones. Les entraes solidaries, con un preciu de 30 euros, yá tán a la vienta en https://entradium.com/events/sidra-de-asturias-frente-al-cancer

Nesta sesta edición de la espicha va distinguise al cantante asturianu Víctor Manuel col títulu d’Embaxador de la Sidre 2019 y va recibir el premiu Sidre d’Asturies Solidaria, reconociendo’l so llabor como difusor de la cultura y raigaños asturianos en tol territoriu nacional. Siguirá asina’l camín d’otros pernomaos asturianos como’l periodista José María García o los actores Arturo Fernández y Roberto Álvarez, que n’años anteriores sofitaron esti proyeutu de manera solidaria.

(Visited 668.019 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies