Inicio > Cultura sidrera > Carmen Moriyón: Xixón sedrá la sede de la Rede Europea de Ciudaes de la Sidre
Cultura sidreraDellosEventosInternacionalSidreturismuSISGA

Carmen Moriyón: Xixón sedrá la sede de la Rede Europea de Ciudaes de la Sidre

La nueva rexidora de Xixón, Carmen Moriyón, allantra’l prósimu aniciu de la Rede Europea de Ciudades de la Sidre -RECS- cola firma del Protocolu d’Apautamientu xunto con varios representantes municipales de países europeos.

LA SIDRA.- Na entrevista recoyía na revista LA SIDRA del mes de xunetu, l’alcaldesa xixonesa reivindica Xixón como parte fundamental de la cultura sidrera asturiana y el ser una referencia a nivel internacional no que cinca al mundiu la sidre.

A lo llargo de cuatro páxines, Carmen Moriyón fai mui interesantes reflexones alrodiu de la sidre, de la visibilización de la muyer nesi mundiu, o de la DOP, y acaba afitando’l compromisu de la so corporación cola cultura asturiana de la sidre, allantrando que nel prósimu XIII Salón Internacional de les Sidres de Gala, tendrá llugar la firma, en la propia Casa Conceyu de Xixón, del Protocolu d’Apautamientu a la Rede Europea de Ciudaes de la Sidre, na que participarán estremaos representantes de conceyos europeos, y nel que s’afita que Xixón sedrá la see principal y permanente de dicha RECS

La RECS trátase d’un proyeutu nel que lleva trabayando la Fundación Asturies XXI -entamaora del SISGA- dende va años y que nel anterior mandatu de Carmen Moriyón tuvo a puntu concretase, talamente como anuncia que va faese agora.

Por supuestu, l’aniciu d’esta RECS, la so costitución en Xixón, y el fechu de que Xixón s’afite como see principal y permanente, supondrá de xuru un bon encontu a la reconocencia pola Unesco de la Cultura Asturiana de la Sidre como Padremuñu Inmaterial de la Humanidá.

 


(Visited 2.545.894 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies