Inicio > Chigres > Masterclass d’echáu de Salvador Ondó en Gascona
ChigresCultura sidreraDellosEventos

Masterclass d’echáu de Salvador Ondó en Gascona

Actitú y costancia, les claves ra convertise nun bon echaor, asina mos cunta Salvador Ondó, cuatro vegaes campeón de Asturies d’Echaores. Quien crea y dirixe esta masterclas na cai por escelencia de la sidre n’Uviéu

LA SIDRA.- El cursu surde como un reclamu a esta figura única asturiana del echaor, por cuenta de la demanda de los veceros consumidores de sidre, ca vuelta más desixentes col so tratamientu per parte del profesional. La so finalidá ye formar a toa triba perfiles, cola idega de tresmitir les conocencies de Ondó a les sos alumnes y alumnos pa qu’algamen un nivel mediu-altu nel sete d’echáu. Va destináu tantu a los profesionales del seutor como a nueves incorporaciones al mundiu la sidre. Consta de venti hores  impartíes en trés selmanes que se desendolcarán na Sidrería El Ferroviario en Gascona. A la so finalización, los alumnos que llogren l’habilidá precisa van ser  reconocíos con un diploma acreditativu.

El cursu pudo llevase a cabu gracies a la collaboración imprescindible de Pedro Caramés, Presidente de L’Asociación de Sidreríes de Gascona n’Uviéu y propietariu de les Sidreríes La Finca y  el Ferroviario, amás de la collaboración de Cafetería Yayo y el padrociniu indispensable de “Sidra Menéndez” como suministrador de vasos y les caxes de sidre precises pal desendolcu de la masterclass.

 

(Visited 1.164.359 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies