Inicio > Chigres > La Chicuelina, pasión pola profesión
ChigresGastronomía

La Chicuelina, pasión pola profesión

La sidrería rexentada por Juanín Macho escomenzó’l so andar a finales de setiembre pasáu y, dende entós, ta dándose a conocer y teniendo una bona aceptación ente los veceros gracies a la so cocina casero y al so tratu familiar.

LA SIDRA.- Namás lleva abierto dende finales del mes de setiembre, pero la dedicación, el trabayu y, sobro too, la pasión que ponen el so dueñu, Juanín Macho, y el restu l’equipu, ca díi, en La Chicuelina, ta escomenzando a dar los sos frutos. Dempués de cuasique trés décades vinculáu al mundiu de la hostelería, Juanín, animáu por familiares y amgos, decidió dar el pasu y garrar les riendes del so propiu negociu y, de omento, “tamos teniendo bona aceptación, anque la cosa va pasu ente pasu, nun pueo quexame porque conozo como ye esti seutor y se que les coses van despacín al entamu”. Ye cosciente de que la clave ye “dase a conocer” y, de magar ello, fidelizar al veceru y ser quien a caltenese.

Per agora p’algamar el so oxetivu, básase nun tratu prósimu y familiar col veceru y nuna saborgosa cocina casera tradicional, encontiada nel so menú diariu, que por namás 8 euros, ufre un entrante, un primer platu y un segundu. Na so amplia carta, cunta, ente les sos especialidaes, col cachopu, por supuestu bien grande, pudiendo escoyer ente cuatro variedaes estremaes: xamón y quesu, xamón, quesu, pimientos del piquillu y espárragos; cecina y quesu cabra; y picadiellu con salsia al Cabrales. Nun escarten introducir daqué sabor nueu pal que tan trabayando nos sos fogones y qu’asperen poder dar a prebar aína. Si’l veceru lo que gueta ye daqué orixinal nun pue colar ensin prebar el so “Pitu Chicuelina”, una bona pechuga de pitu con ayu puerru, ñata y pimienta blanco, acompangada d’una abondosa ración de pataques.

Sidre Menéndez, Val d´Ornón, y Llagar de Quintana

VER ARTÍCULU COMPLETU

(Visited 637.223 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies