Inicio > Gastronomía > Iscripciones pal Meyor Cachopu
Gastronomía

Iscripciones pal Meyor Cachopu

Abrióse’l plazu p’apuntase nesti concursu del que ye pioneru la guía asturiana

LA SIDRA.- La Guía del Cachopu, pionera nel entamu concursos del citáu platu, rializa de nueu esti certame que ca añu va axuntando más adeptos, sigún señalen dende la organización. Esti añu, al igual que l’anterior, y coles mires de dar puxu al consumu,decidieren que ca restorán marque’l preciu del so cachopu de concursu ente 18€ y 25€ (incluyía 1 botella sidre, o dos bebíes). “Tien que caltenese’l preciu del cachopu demientres tol mes de Marzu al ser el mes del cachopu n’España’, una forma más de promocionar esti platu y el so restorán” indiquen nes sos bases a nivel estatal.

Amás, n’específicu, pal concursu Meyor Cachopu y Cachopín d’Asturies 2020’, despliquen que les siguientes noviedades: “los seyes primeros clasificaos na categoría de cachopu y los dos primeros na de cachopín, amás de recibir los sos premios como meyores cachopos d’Asturies, van pasar direutamente a la final del concursu al ‘Meyor cachopu d’España 2020’, nel que tamién van tar otros cuatro restoranes de Madrid y trés del restu del territoriu español. Esta final va ser solo pa la modalidá de cachopu y non de cachopín polo que los dos finalistes de cachopín van tener qu’afaer la so propuesta a la modalidá de cachopu”. L’añu pasáu’l ganador foi’l cachopu d’El Cogollo de la Descarga, de Madrid; siguíu de la tamién sidrería madrilana La Charca, y, de terceres, la Bodega de Miguel de Xixón.

(Visited 725.409 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies