Inicio > Chigres > La Bolera, culinos de campeonatu en Llanera
ChigresEncamientos

La Bolera, culinos de campeonatu en Llanera

En Llanera alcontramos esti prestosu chigre, con una carta de platos tradicionales de lo más tentadora: por exemplu, una riestra de variedaes de tortos que faen naguar -de picadillu con güevu, gules y gambes o setes y xamón… – o los cachopos, que tienen una pinta espectacular.

Pero coincide que’l menú especial del día incluye fabes con mariscu y corderu al chilindrón y nun pudimos resistimos. Bon aciertu, riquísimo y abundante.

Sicasí, lo que más prestó ye como nos servíen la sidre, de los llagares Viuda de Corsino y Fran, nel so puntu, los culinos impecables y al tiempu.

Tien desplicación, tres de la mazcarina escuéndese na menos que Rubén Campa, campeón del Concursu d’Echaores de Cabranes 2019, que namás nesi añu consiguió otros cuatro puestos emportantes nos concursos puntuables pal Campionatu d’Asturies, quedando ochavu na clasificación xeneral.

Namás llamentamos que nun fuere temporada de conciertos, porque esti ye de los pocos establecimientos nos que entá se puede esfrutar d’actuaciones de rock en direutu. Hai que tornar en branu.

(Visited 956.832 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies