Inicio > Eventos > Tastia Abierta del SISGA
EventosSISGA

Tastia Abierta del SISGA

Más de mil persones visitaron los sesenta stands de la Tastia Abierta de les Sidres de Gala, nos que se repartieron 287 variedaes sidreres

L’afluencia foi continua dende les 12 de la mañana, hora na que la Tastia Abierta abría les sos puertes al públicu. Los asistentes, que como novedá esti añu pudieron acudir a delles presentaciones de productos guiaes polos propios ellaboraores, amosáronse perinteresaos en conocer tolos detalles sobro la composición, ellaboración y carauterístiques de los estremaos productos. 

Cabe resaltar que, si bien lo primero que los asistentes buscaben na Tastia yeren los productos más esóticos, prebando les variedaes de los países foriatos en primer llugar, tamién ye cierto que una bones satisfecha la curiosidá, na visita a los puestos asturianos alcontraben tamién abondos productos que nun conocen, ya que pal públicu xeneral l’espoxigue d’opciones sidreres que se tan faciendo n’Asturies nos caberos años remanez desconocíu, siendo munchos los que se sosprendíen al alcontrar botellinos o llates de sidre que caltienen tol calter de la nuesa sidre tradicional, anovaores ya impactantes sidres de xelu o de fuéu, sidres brut y tranquiles d’altísima calidá y munches otres variedaes. 

 

(Visited 2.557.685 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies