Inicio > Cultura sidrera > Suspendíu’l Festival de la Sidre de Navia
Cultura sidreraEventosSidreturismu

Suspendíu’l Festival de la Sidre de Navia

La cris sanitario fai cancelar el que diba ser el so venti aniversariu

LA SIDRA.- Lo mesmo que pasó cola Primer Sidre l’Añu, el Sidracrucis y otros munchos eventos de calter sidreru, tampoco nun se cellebrará’l XX Festival de la Sidre Villa de Navia, previstu nun entamu pal vienres 7 d’agostu.

Y ye que la incertidume na que mos afayamos torga faer les contrataciones musicales, los encargos a llagares y afirar la necesaria collaboración de la hostelería llocal, colo que, anque tovieron valorando fasta’l final la posiblidá d’aguantar, a la fin, concluyeron que la cris sanitario nun diba permitir xuntar a tanta xente como xunten davezu nesti festival.

Hai de remembrar que na edicióndel añu pasáu, consumiéronse más de 2.000 botelles, y vendiéronse alrodiu los 1.500 vasos, xuntando a miles de presones nesta villa del ocidente asturianu

Eso sí, nel comunicáu qu’emite la comisión entamaora, prometen tornar pal añu que vien con más fuercia y nueves illusiones, y animen a siguir apostando pola sidre, y a consumila “nas casas ou nos chigres”, acabando con un ¡Puxa Navia y la Sidra!

(Visited 915.318 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies