Inicio > Eventos > Fargatáu d’actividaes sidreres nel SISGA
EventosSISGA

Fargatáu d’actividaes sidreres nel SISGA

Tasties, charres, talleres, espicha y les deliberaciones de los Premios SISGA na xornada con más actividaes del Salón Internacional de les Sidres de Gala

La segunda xornada del Salón Internacional de les Sidres de Gala aconceyó na mañana d’ayeri a los espertos sidreros de tolos países participantes pa deliberar sobro la calidá de les sidres presentaes a concursu nos Premios SISGA

Pente les peculiaridaes d’esti concursu ta el fechu de que’l xuráu ta integramente escoyíu polos propios llagareros, caún de los cuales propón un miembru del xuráu. Depués, faese una tastia ciega na que se puntuen les sidres estremaes en categoríes, eliminándose siempres la nota más alta y la más baxa y faciendo media pa ver que sidre merez la puntuación oru, plata o bronce, acordies a la so calidá. 

Pero si la mañana foi intensa pola so importancia, la tarde fuelo pola cantidá d’actividaes desendolcaes. De magar les cuatro y media, nel  CIFP  Hostelería y Turismo de Xixón Juan Zuriarrain. Presentó’l  proyeutu “Sagezti Ardua” –sidre y miel-, a continuación tuvo llugar una amuesa de cocina con sidre y mazana a cargu d’Estefanía Ferreras, Chef de Miscelanea Gastro, pudiendo prebase a continuación les creaciones preparaes. 

La tardi tamién foi bayurosa no que cinca a tasties: Sidra de Xelu Cortina, a cargu del llagarero Tino Cortina, de Sidra Cortina,d’ Asturies, Abuls Cider, a cargu de Janis Matvegs de Letonia, Sidra Fran, a cargu d’Arcadio Vázquez, d’Asturies y  Cider Sekt, a cargu de Yana Procházka, de la República Checa

Simultaneamente, Joaquín Menéndez, de LA LUNA SHIPPING, Asturies impartió una perinteresante charra sobro  importación / esportación, una asignatura pendiente pa munchos llagares asturianos.  Benedicta Zurro, profesora del CIFP Hostelería y Turismo de Xixón punxo’l puntu final a les actividaes didáutiques con un taller práuticu de coctelería de la sidre.

Pero la xornada nun finó ehí, la espicha de xermandía nel Llagar de Piñera remató un díe perespecial cola interpretación de cancios sidreros de dellos de los países participantes. 

(Visited 1.655.387 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies