Inicio > Cultura sidrera > X Primer Sidre L’Añu
Cultura sidreraEncamientosEventosEventosGastronomíaLlagaresLlagaresPSLASidreturismuTastiesTasties

X Primer Sidre L’Añu

L’entamu de la temporada sidrera asturiana tendá llugar nel Muséu del Pueblu d’Asturies del 18 al 21 d’abril, ufiertando la posibilidá de prebar la sidre nuevo de más de 70 llagares por namás 6 €

LA SIDRA.- La Primer Sidre l’Añu -PSLA- fai la so primer década cola cellebración d’esta PSLA que tendrá llugar del 18 al 21 d’abril nel Muséu del Pueblu d’Asturies, una oportunidá única pa prebar la sidre nuevo de los más de 70 llagares participantes por namás 6 €. La PSLA entamará el xueves 18 d’abril de 13:00 a 22 hores, y continuará’l vienres  (atentos al Sidracrucis) y sábadu de 12:00 a 22:00 hores y el domingu de 12:00 a 18:00 hores.

La PSLA permite esfrutar de la sidre nuevo, y muncho más, permite esfrutar de l’auténtica cultura astuirana de la sidre nun alrodiu previlexáu y con un ampliu abanicu d’actividaes. Demientres los cuatro díis nos que se lleva a cabu, entámense tasties, bailles y música del país, degustaciones d’estremaes tribes de sidre, charres y harmonizaciones col nuesu productu más emblemáticu, esibiciones d’esportes tradicionales, asturianada, amueses d’artesanía y el siempres esperáu Concursu de Sidre Casero Fecho en Maera.

Por si fuere pocu, esti añu tornaremos a cuntar cola parrilla d’El Pintxu, qu’asará costielles, chorizos colloraos y criollos, tocín entevenao o churrascu. Amás habrá empanaes de bonitu y de carne, y postres como arroz con llechi o casadielles p’acabar con un bon saborgu de boca.

VER ARTÍCULU COMPLETU

(Visited 2.445.321 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies