Inicio > Sin categoría > Entamu LA SIDRA d’Agostu (Nb. 197)
Sin categoría

Entamu LA SIDRA d’Agostu (Nb. 197)

Entamu

Paez imposible atopamos nun mes d’agostu ensin les nueses fiestes de prau, y ensin eventos sidreros, y entá tenemos que tar agradecío a que la fin del estáu d’allarma permitiere la reapertura de chigres y merenderos, con toles llimitaciones que se quieran, pero abiertos.

Lo cierto ye que frente a la inseguranza que xenera la evolución –y xestión- del andanciu, el seutor non solo respondió con responsabilidá ya imaxinación pa implementar les midíes de proteición sanitario, sinón que ta demostrando una capacidá inmensa pa reinventase y pa mirar el futuru con tantu optimismu como sentíu común. Ensin esparabanes nin estridencies, y sí con un pulsu firme col que se ta saliendo alantre d’una situación para la que naide nun taba preparáu, y que yá se cobró la so factura, con dellos finaos nel mundiu de la sidre –a los qu’aprofitamos pa recordar-, con dellos establecimientos sometíos a cuarentena y con munches empreses en complicada situación económica.

Por supuestu, la sociedá asturiana respondió más que satisfactoriamente a esti esfuerzu, y afíxose a la situación con total normalidá, collaborando y siendo cosciente del esfuerzu que se ta rializando, aidando cola so actitú a apandar l’impactu sociu-económicu qu’esta situación xeneró nel seutor.

Otra manera, esti añu la Sidre d’Asturies DOP nun pudo cellebrar el so Salón añal presentando la nueva collecha de sidre acoyío a esta denominacion, y viose obligada a realizar un actu restrinxíu pa la entrega de les distinciones a les meyores sidres y a la pumarera del añu, a les cuales felicitamos.

Pero la sidre sigue saliendo a bon ritmu de los llagares, y anque difícilmente van recuperase les vientes perdíes nos meses de confinamientu, lo cierto ye que va quedando espaciu p’absorver la nueva collecha de mazana, qu’anque nun va ser mui abondosa, too paez indicar que va ser de bona calidá, a la espera de ver lo qu’asocede col tiempu nestos prósimos meses.

(Visited 865.918 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies