Inicio > Cultura sidrera > Echáu universitariu de sidre, sofitando la candidatura ente la Unesco
Cultura sidreraDellosDOP Sidre d'Asturies

Echáu universitariu de sidre, sofitando la candidatura ente la Unesco

“El futuru de la cultura sidrera asturiana pasa pola comunidá universitaria”

LA SIDRA.- Esti miércoles, nel Campus Universitariu d’Humanidaes ‘El Milán’ n’Uviéu, ceLlebróse un echáu istitucional, entamáu pola Cátedra de la Sidre d’Asturies, en sofitu a la candidatura de la Cultura Sidrera Asturiana a Padremuñu Inmaterial de la Humanidá pola UNESCO. Esti actu, a iniciativa de la DOP Sidre d’Asturies y amparáu pol rectoráu de la Universidá d’Uviéu y del vicerrectoráu de Tresferencia y Rellaciones cola Empresa, axuntó a cuasique doscientos alunos y profesores de la Facultá de Filosofía y Lletres.

 “La sidre forma parte de la nuesa identidá, y por ello tenemos de reivindicala y sofitala n’actos como esti”, destacó’l rector de la Universidá d’Uviéu, Ignacio Villaverde. El director de la Cátedra Universitaria de la Sidra de Asturies, Luis Benito García, fixo fincapié na importancia del sofitu académicu y científic por qu’esta candidatura espollete. “Amás del soporte popular, que yá lo vimos fasta’l momentu, ye clave que la comunidá universitaria arréyese. Y güei demostrólo. El futuru de la cultura sidrera asturiana pasa perhí”, describió.

A esti actu tamién acudieron la directora xeneral de Desendolcu Rural y Agroalimentación, Begoña López; el presidente del Conseyu Regulador de la DOP Sidre d’Asturies, Guillermo Guisasola; David Martín de la Fundación Asturies XXI y el direutor xeneral de Cultura y Padremuñu, Pablo León.

Al empar cellebráronse otros trés echaos nos campus d’El Cristu (Uviéu), Xixón y Mieres, qu’axuntaron en total a cuasique un centenar de presones, ente estudiantes y personal docente.

 

(Visited 2.445.661 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies