Inicio > Cultura sidrera > Aníciase l’Asociación de Sidre Casero del Conceyu Salas
Cultura sidreraSidre Casero

Aníciase l’Asociación de Sidre Casero del Conceyu Salas

Col oxetivu de caltener y dar puxu a esta tradición nel conceyu, aidando a los productores a meyorar la calidá de la so sidre y esparder la cultura sidrero ente la mocedá.

LA SIDRA.- Dempués de trés ediciones del concursu añal de sidre casero, los llagareros de Salas decidiéronse a dar un pasu allantre y aniciar una asociación dende la que xuncir esfuercios.

Salas cunta con una perimportante tradición sidrera, nun habiendo pueblu que nun cuntara col so llagar, qu’en munchos casos yera compartíu polos vecinos pa mayar la so propia mazana. Sidre pa en casa y pa facer espiches colos vecinos.

Alejandro Bermúdez, conceyal de Turismu, Desendolcu llocal y Nueves Tecnoloxíes del Ayuntamientu Salas ye una de les presones que más tienen puxao por sacar allantre esta asociación, y camienta qu’agora mesmo habrá alrodiu de 60 llagares en Salas que tovía mayen, de los qu’una ventena vien participando nos trés Concursos de Sidre Casero que lleven rializando fasta agora. Aniciándose esta asociación espérase xuncir esfuercios y voluntaes pa recuperar la puxanza de la sidre y la cultura asturiana de la sidre nesti conceyu del ocidente asturianu.

Pa recibir el PDF de la revista LA SIDRA, fai falta tar dáu/da d’alta nel whatsapp de LA SIDRA ¡Gratis!

(Visited 2.488.959 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies