Inicio > DOP Sidre d'Asturies > Convocáu Brinde popular con sidre Brut en Gascona
DOP Sidre d'Asturies

Convocáu Brinde popular con sidre Brut en Gascona

Tendrá llugar esti xueves a les 20 hores en Gascona

LA SIDRA.- Güei,15 d’avientu, a les 8 la tardi, la DOP Sidre d’Asturies entama xunto cola Astociación de Sidreríes de Gascona, un brinde popular con sidre brut pa comemorar l’entamu de la campaña promocional Asturies Sidre Brut que s’allargará demientres el periodu navidiegu. L‘oxetivu ye siguir promocionando esti productu ellaboráu con mazana 100% asturiana.

Nel brinde participarán la direutora de Desendolcu Rural ya Industries Agraries, Begoña López, el conceyal de Turismu del Ayuntamientu d’Uviéu, Alfredo García, el presidente del CR de la DOP Sidre d’Asturies, Guillermo Guisasola, y el presidente de l’Asociación de Sidreríes de Gascona Pedro Caramés.

Fasta’l 6 de xineru podrá degustase, a precios perafayaízos, en 150 establecimientos del país, les sidres esplumoses acoyíes a la DOP Sidre d’Asturies. Les isdres participantes son: El Gaitero Etiqueta Negra, Pomarina y Valle Ballina y Fernández (El Gaitero), Emilio Martínez (El Gobernador), Poma Áurea (Trabanco), Prau Monga (Viuda de Angelón), Ramos del Valle (Fran) y Solaya (Quelo). Amás, habrá un refuerciu na canal Alimentación con varies degustaciones nes principales grandes superficies asturianes y tiendes gourmet.


(Visited 2.600.705 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies