Inicio > Opinión > Entamu LA SIDRA d’Avientu’23 (Nb. 236)
OpiniónSin categoría

Entamu LA SIDRA d’Avientu’23 (Nb. 236)

Entamu

2023 ta resultando un añu especialmente dinámicu no qu’al mundiu la sidre se refier, y esti mes d’avientu nun quier ser la esceición.

La cellebración del Ier Salón de les Sidres d’espolleta con DOP, el yá clásicu Asturies sidre brut, y la esperada presentación del llibru ‘Muyeres del Llagar’ marquen un mes especialmente importante nel panorama sidreru, nel que la sucesión de les fiestes nadaliegues ufiértamos la oportunidá única de participar na reivindicación social de la nuesa bébora, faciéndola tar presente en cuantes cellebraciones teamos la oportunidá d’intervenir.

A estes altures, la calidá de la sidre natural, y la xeneralización de los echaores llétricos facilita la so presencia y consumu en cualisquier escenariu; y per otra parte, la diversificación de la sidre permite cuntar con múltiples presentaciones -esplumoses, calistraes, de xelu, llicores y auguardientes.., toes elles con un nivel d’escelencia que les faen competitives frente a otres bébores que cunten con mayor presencia mediática.

D’otra miente, acábase l’añu con munches cuentes pendientes y ensin avanzar lo más mínimo n’aspeutos d’una necesidá tan evidente como ye la ellaboración d’un Plan Estratéxicu para la Mazana y la Sidre, por más que se repitan situaciones tan anómales como ye la falta de capacidá p’ autoabastecemos de la mazana preciso pa la sidre que producimos.

Tamién resulta d’especial interés el nuevu escenariu que se presenta cola recién llegada de l’AVE. La meyora de les comunicaciones va apurrir un mayor númberu de turistes a esta tierra onde la masificación yá ye un fechu. Va haber qu’analizar de qué manera pueda revertir en beneficiu del sector.

N’otru orde de coses, esti ye un mes trescendente no que cinca a la ellaboración de la sidre, con depósitos y toneles onde la sidre nuevo ta en plenu procesu de formientadura, y onde yá podemos reparar el distintu tratu que recibe n’unos y otros llagares en cuestiones tales como l’usu del fríu o los trasiegos. Procesos que van dir determinando les característiques de lo que va ser la sidre del añu que mos llega y que van marcar la identidá y diversidá que siempres caracterizó a la nuesa bébora.

Recordámoslo una vegada más, ¡¡que nun falte la sidre en denguna mesa nin cellebración nadaliega!! ¡Sidrifiquemos les fiestes!

Para recibir el PDF de la revista hace falta estar dado/a de  alta en el whatsapp de LA SIDRA

 

(Visited 2.487.672 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies