Inicio > DOP Sidre d'Asturies > Presentación de ‘Asturies Sidre Brut 2022’
DOP Sidre d'Asturies

Presentación de ‘Asturies Sidre Brut 2022’

Cellebraráse del 2 d’avientu al 6 de xineru en 150 establecimientos asturianos

El Conseyu Regulador de la DOP Sidre de Asturies presentó esta mañana, nel Hotel Môderne de Xixón, l’actividá gastronómica ‘Asturies Sidre Brut 2022’ y l’entamu de la campaña de Navidá Sidre Natural d’Espolleta. Una presentación llevada a cabu pol presidente de la entidá, Guillermo Guisasola; la direutora xeneral de Desendolcu Rural y Agroalimentación, Begoña López; y el direutor creativu d’Arrontes y Barrera, Luis Arrontes.

“Ye un productu tan nuesu como lo ye la sidre d’echar. Ye una bébora natural y d’una alta calidá, reconocía por munchos sumilleres internacionales, y que desgraciadamente nun tien la reconocencia que se merez. D’ende qu’a que ca añu deamos puxu a esta campaña”, manifestó’l presidente del Conseyu Regulador de la DOP, Guillermo Guisasola.

“Ye una sidre caltenible, de kilómetru cero, pero que precisamos conocela más na nuesa rexón. Marida perbién con munchos productos gastronómicos. N’Asturies tenemos de sacar pechu d’esta bébora”, espresó la direutora xeneral de Desendolcu Rural y Agroalimentación, Begoña López.

Fasta’l 6 de xineru podrá tastiase, a precios bien económicos, en 150 establecimientos del nuesu país, les sidres d‘espolleta amparaes dientro de la Denominación d’Orixe Protexida Sidre d’Asturies. Les sidres participantes d’esta edición son: El Gaiteru Etiqueta Negra, Pomarina y Valle Ballina y Fernández (El Gaiteru), Emilio Martínez (El Gobernador), Poma Áurea (Trabanco), Prau Monga (Viuda de Angelón), Ramos del Valle (Fran) y Solaya (Quelo). Amás, va haber un refuerzu na canal Alimentación con delles degustaciones nes principales grandes superficies asturianes y tiendes gourmet.

RELLACIÓN DE PARTICIPANTES

(Visited 1.717.076 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies