Inicio > DOP Sidre d'Asturies > El Padre Ángel, ‘Embaxador de la Sidre d’Asturies Solidaria 2021’
DOP Sidre d'Asturies

El Padre Ángel, ‘Embaxador de la Sidre d’Asturies Solidaria 2021’

La distinción foi otorgada pola Fundación Sandra Ibarra y el Conseyu Regulador de la DOP Sidre d’Asturies nun actu cellebráu nel Llagar Castañón

LA SIDRA.- el sacerdote y filántropu Padre Ángel foi nomáu ‘Embaxador de la Sidre d’Asturies Solidaria 2021’, pol so llabor como difusor de la cultura asturiana. Esta reconocencia foi otorgada pola Fundación Sandra Ibarra y el Conseyu Regulador de la DOP Sidre d’Asturies, na VII Cena Teatru Solidaria cellebrada nel Llagar Castañón (Villaviciosa). Un actu que sirvió, primero, para sumar esfuerzos frente al cáncanu, una y bones la organización recaldó, col importe de les entraes, un total de 1.200 euros. Y segundu, como homenaxe al espíritu d’Asturies nel que, al traviés de les sos tradiciones, poner n’alza la solidaridá de les sos xentes.

“Toi bien estimáu por esti premiu. Recibí munchos homenaxes, pero enxamás nun imaxiné ser nomáu embaxador de la sidre d’Asturies”, bromió’l Padre Ángel. Pela so parte, Sandra Ibarra, direutora de la fundación solidaria escontra’l cáncanu que lleva’l so nome, punxo de manifiestu’l papel de la so entidá nes etapes posteriores a la superación del cáncanu. “Nos postreros años, tres l’aumentu de los índices de supervivencia y la falta d’atención sanitario específico, la Fundación empobinóse escontra la busca de soluciones.  Por ello llancemos la Escuela de Vida. Trátase d’una escuela de pacientes y supervivientes especializada en faer frente a les necesidaes asistenciales demientres el periodu de transición nel que yá nun hai tumor nin tratamientu, pero apaecen otres remortines”, comentó. Nesti sen, destacó’l papel de la investigación: “Nun añu llanzáronse ocho vacunes. Por ello creyemos que ye bien importante siguir reforzando esta ária”.

El presidente del Conseyu Regulador de la DOP Sidre d’Asturies, Guillermo Guisasola, destacó la parte más solidaria de la entidá: “Con iniciatives como esta, queremos aidar a ameyorar la investigación sobro’l cáncanu”. Per otru llau, manifestó la so satisfaición pola recuperación progresiva del seutor sidreru. “La sidre sufrió muncho nesti últimu añu y mediu. Con actos como’l de güei, recuperamos, siquier, l’allegría, daqué que creo que merecemos”, siñaló. Demientres l’actu tamién intervinieron la direutora xeneral de Desendolcu Rural ya Industries Agraries, Begoña López; el responsable de Mediu Rural de Caxa Rural d’Asturies, Javier Nievas; y l’alcalde de Villaviciosa, Alejandro Vega. Los trés felicitaron al Padre Ángel pol homenaxe recibíu, coles mesmes que sellaron el so compromisu pa futures aiciones solidaries.

Tres les intervenciones, tolos asistentes esfrutaron de la obra teatral ‘Sidra en vena’, una comedia vodevil asturpop de Juanma Pina. La obra y el direutor fueron nomaos embaxadores de la cultura sidrera asturiana y la mesma ta trunfando nel Teatru Lara de Madrid

(Visited 1.196.345 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies