Inicio > Chigres > Concursu Meyor Primer Sidre L’Añu con 45 llagares iscritos
ChigresCultura sidreraEventosLlagaresPSLATasties

Concursu Meyor Primer Sidre L’Añu con 45 llagares iscritos

Cellebraráse en Xixón na Sidrería La Montera Picona de Ramón.

LA SIDRA.- El prósimu sábadu 17 de marzu llevaráse a cabu la V edición del concursu Meyor Primer Sidre L’Añu, que cunta fasta’l momentu con 45 llagares iscritos, lo que fai qu’esti concursu seya ún de los dos más importantes del país en númberu participantes.

El certame, entamáu pola revista LA SIDRA y la FUNDACIÓN ASTURIES XXI, tendrá llugar na sidrería xixonesa La Montera Picona de Ramón, asitidada na cai Saavedra, númberu 3

El sábadu 17 a les 11:00 hores rializaráse la preseleición, na que s’escoyerán les 5 sidres finalistes. Darréu, a les 17 hores, escomenzará la tastia final coles sidres preseleicionaes pa, una vuelta sumaes les puntuaciones, dease’l veredictu final y los premios a les sidres ganaores.

L’asistencia a les deliberaciones sedrá abierta al públicu, y al términu del concursu los asistentes que lo deseyen podrán prebar la sidre clasificao..

El xuráu tará presidíu por Manuel Busto, y tará costituyíu por Manuel G. Busto, Donato Xoaquín Villoria, Joaquín Fernádez, Eloy Gómez, Ricardo García y Manuel Castro. 

Pal serviciu d’echáu cuntaráse colos echaores de La Montera Picona de Ramón, que participen davezu y con perbonos resultaos nel Campionatu Oficial d’Echaores d’Asturies.

La sidre premiao sedrá la oficial de la VII edición de la Primer Sidre L’Añu, la espicha más grande d’Asturies que marca l’entamu de la temporada sidrera. Cellébraráse del 29 de marzu al 1 d’abril nel Muséu del Pueblu d’Asturies en Xixón,

El premiu a la Meyor Sidre L’Añu ye l’únicu concursu que tien como protagonista la sidre sobro la madre, ensin trasegar y que tien retribución económica -1.000 euros en sidre-. Per esta xida posicionóse como ún de los concursos de referencia de la nuesa bébora tradicional, siendo’l segundu en cuantes a númberu de llagares iscritos, y tomando en cuenta que’l procesu d’ellaboración de sidre retrasóse esti añu.

Dende hai nueve años LA SIDRA y la Fundación Asturies XXI escomenzaron a trabayar pola recuperanza de la sidre ensin trasegar, que práuticamente desapareciere del mercáu pola industrialización de los llagares y l’aplicación xeneralizada de los trasiegos. Ca vuelta son más los llagares que s’animen a comercializar esta triba de sidre y que participen nesti certame.

 

(Visited 599.791 times)

One thought on “Concursu Meyor Primer Sidre L’Añu con 45 llagares iscritos

Comments are closed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies