Inicio > Gastronomía > Foro denuncia la falta compromisu del “Principado” cola sidre
GastronomíaLa sidraLlagares

Foro denuncia la falta compromisu del “Principado” cola sidre

Cristina Coto, presidenta de Foro acusa a Javier Fernández de nun apostar pola promoción de la sidre asturiana, natural y axampanada, al empar que felicita al “Principado” por copia-yos la felicitación navidiega.

LA SIDRA.- Cristina Coto denunció que tres un añu d’aprebase na Xunta Xeneral del “Principado” una propuesta de Foro pa dar puxu a un conxuntu d’aiciones pa sofitar la sidre asturiano, aprebada per unanimidá, el gobiernu de Javier Fernández nun fexo un res pesia’l mandatu de la propuesta y  “anque se trate d’una bébora que xunta tradición, popularidá, consumu saludable y ye una actividá xeneraora d’emplegu qu’ufre un valor añadíu a la nuesa rexón”.

Nel mesmu sen, desixó un apueste decidíu pola nuesa sidre “como vienen faciendo nos postreros años otros gobiernos autonómicos”, en referencia al gobiernu vascu, y felicitó al “Principado” por copia-yos la felicitación navidiega, plaxu que dicen non solo nun-yos molesta, sinon que-yos presta, porque “suel faltar dende’l Gobiernu un sofitu nidiu a los nuesos magníficos productos alimentarios, polo que, anque seya copiando, como faen los malos estudiantes, nun ta de más que se promocionen los frutos del nuesu mar y la nuesa tierra”.

La felicitación de Foro consiste nunes botelles de sidre asturiano enriba del mapa d’Asturies, y la del “Principado” lo mesmo, pero incluyendo otros productos típicos asturianos.

(Visited 637.020 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies