Inicio > Cultura sidrera > Riestra gana la Meyor Primer Sidre L’Añu
Cultura sidreraEncamientosEventosLlagaresPSLATasties

Riestra gana la Meyor Primer Sidre L’Añu

Na so quinta edición, cellebrada na Sidrería La Montera Picona de Ramón, participaron 45 llagares.

LA SIDRA.- Riestra foi la sidre ganaora de la Meyor Primer Sidre L’Añu, el segundu llugar foi pa Cabueñes y el terceru pa Cabañón. Tamién fueron finalistes La Morena y Orizón -a pré en cuartu llugar-, Arsenio, Piñera, Peñón y L’Allume, que quedaron n’orde de quinta a ochava, respeutivamente.

“Toi percontentu, cola competencia qu’hai anguañu nel mundiu la sidre, esta reconocencia ye importante. Estupendo pa entamar bien l’añu” manifestó Raúl Riestra, ellaboraor de la sidre ganaora qu’amás apuntó a qu’esta bébora, al ser xoven, ye “perafrutiada” amás de faer bon vasu.

El sábadu 17 de marzu llevóse a cabu la V edición del concursu Meyor Prime Sidre L’Añu con 45 llagares iscritos. El certame, entamáu pola revista LA SIDRA y la Fundación Asturies XXI, tuvo llugar na sidrería xixonesa La Montera Picona de Ramón, asitiada na cai Saavedra en Xixón.

La preseleición entamó a les 11:00 hores y nella escoyóse la sidre finalista. Nun principiu diben ser namás cinco les escoyíes, pero cuatro quedaron a pré na puntuación, polo que pasaren nueve a la final. Darréu, a les 17 hores, escomenzó la tastia final cola sidre preseleicionao. Sidre Riestra algamó 78 puntos, Sidre Cabueñes 76 y Sidre Cabañón 72.

L’asistencia a les deliberaciones foi abierta al públicu. A la fin del concursu los asistnetes pudieron prebar la sidre clasificao.

El xuráu tuvo presidíu por Manuel G. Busto, y costituyíu por Armando Loredo, Manuel Castro, Donato Xoaquín Villoria, Eloy Gómez y Ricardo García.

Pal serviciu d’echáu cuntóse colos echaores de La Montera Picona de Ramón y de la Sidrería Prrilla Ramón, que participen nel Campionatu Oficial d’Echaores d’Asturies.
 
D’esta miente, sidre Riestra convirtióse na sidre oficial de la IX Edición de la Primer Sidre L’Añu, la espicha más grande d’Asturies y que marca l’escomienzu de la temporada sidrera. Cellebraráse del 29 marzu al 1 d’abril nel Muséu del Pueblu d’Asturies en Xixón.
El premiu a la Meyor Primer Sidre L’Añu ye l’únicu concursu que tien como protagonista la sidre sobro la madre, ensin trasegar y que tien retribuición económico -1.000 euros en sidre-. Por esta xida posicionóse como ún de los concursos de referencia de la nuesa bébora tradicional, siendo’l segundu en cantidá de llagares iscritos, too ello teniendo en cuenta que’l procesu d’ellaboración de sidre retrasóse esti añu.
 
Dende hai nueve años LA SIDRA y Fundación Asturies XXI escomenzaron a trabayar pola recuperanza de la sidre ensin trasegar, que práuticamente esapaeciere del mercáu pola industrialización de los llagares y la xeneralización de los trasiegos. Ca vegada son más los llagares que s’animen a comercializar esta triba de sidre y que participen nesti certame.
 
Semeya. Pela manzorga:  Armando Loredo, Manuel Castro, Manuel G. Busto, Donato Xoaquín Villoria, Eloy Gómez y Ricardo García. Echaora Alejandra Venegas 
(Visited 2.445.760 times)
Compartir

6 thoughts on “Riestra gana la Meyor Primer Sidre L’Añu

Comments are closed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies