Inicio > AS > Chigres > Calidá y bon preciu n’El Fartón
ChigresEncamientosGastronomía

Calidá y bon preciu n’El Fartón

Asitiada nel Llanu Baxo de Xixón, yá van cuasique tres años –dende abril del 2016- echando sidre y sirviendo xintes nesti particular chigre.
Julio Méndez y Ana Fernández cuéntenmos que disponen de dos comedores, ún d’ellos nel “altillo” y con capacidá pa 50 presones nel que se pue faer cualisquier triba de cellebración, espiches incluyíes.

Nos sos menús diarios siempres hai entrante, a escoyer ente dos primeros y siempres ún d’ellos platu de cuyar, dos segundos, ún de carne y otru de pexe pa qu’escueyas, con postre y al increyible preciu de 8 €.

Les fines de selmana tamién t’ufierten menú, nesti casu a 13,50 €. Al igual que nel de diariu tamién inclúin un platu de cuyar, y los domingos siempres fabada, y como ye de suponer más ellaboraos que los de diariu, nos que podréis degustar cabritu, pitu caleya o llubina. Los postres, arroz con llechi, tarta quesu y de la güela, ellaboraos na cocina casa.

Pasmos a les especialidaes, equí entra Ana en xuegu destacando los champiñones rellenos, cabritu guisao, quesu Camembert fritu, cachopos, pantrucu emberzáu y la tabla croquetes.

La sidre: Canal, J.R y El Santu DOP

El Fartón, Sidrería. Arroyo 6. Xixón T. 984 281 827

 

 

(Visited 598.584 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies