Inicio > Chigres > El Cascayu, visita obligao
ChigresChigresEncamientosEncamientosGastronomía

El Cascayu, visita obligao

Si pasáis per Mieres del Camín, ye visita obligao la Sidrería El Cascayu, que con namás ocho años dende la so apertura, yá se convirtió n’ún de los chigres más carauterísticos del valle mineru.

Asitiada nuna de les bocacais del Parque Xovellanos ye famosa pol bon ambiente que creyen los sos propietarios –Toni y Tere- y los sos camareros, que fainte sentir como en casa. Dos visites y yá pases de ser veceru a formar parte la familia d’El Cascayu.

Mentes esfrutes de bona sidre –Cortina o Villacubera– n’un chigre con zona infantil, wifi, aire acondicionáu y una terraza de 28 m2 pues tapear unos calamares, corquetes caseres de xamón serranu, tabla embutíos, pataques tres salsies, muxones, o unos chorizos a la sidre.

Si se ye de bon comer, n’El Cascayau pues esfrutar de los sos meyores platos: muxones a la gallega, pulpu con cachelos, ocho especialidaes de cachopos, costiella d’Adán (costiellar de gochu al fornu con patates frites y pimientos del piquillo), cazuela pulpu con llagostinos, zamburiñes a la chapa o’l so chuletón de xata roxa de 1 Kg. a la chapa. Amás tresnen comides y cenes de lo que queráis por encargu.

 

Sidrería El Cascayu. Fonte les Xanes 2. Mieres del Camín T. 985 46 60 4O

 

(Visited 638.185 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies