Inicio > Cultura sidrera > Bimenes acueye mañana la quinta preba d’echaores
Cultura sidrera

Bimenes acueye mañana la quinta preba d’echaores

El Campionatu d’Asturies aconceyará de nueu a multitú de competidores del tornéu

LA SIDRA.- El Palaciu del Marqués de Casa Estrada Martimporra, en Bimenes, acueye mañana, de magar les 17:30 hores, unacnueva preba del Campionatu d’Asturies d’Echaores.

Trátase de la quinta preba correspuendiente a la XXVI edición del campionatu, y qu’aconceyará de nueu a multitú de competidores nel tornéu, que yá se consagró nel país.

El Campionatu d’Asturies d’Echaores convirtióse nuna cita ineludibla pa los amantes del nuesu productu más identitariu, que finará’l prósimu mes de payares cola proclamación del nueu Campión d’Asturies. El certame ta entamáu pola Asociación d’Echaores d’Asturies y cunta col padrociniu de Caxa Rural, DOP Sidre d’Sturies y OTEA ente otres entidaes.

Tres les cuatro primeres prebes, Wilkin Aquiles ye’l cabezaleru de la clasificación. L’echaor de la Sidrería Avenida, de Xixón, cunta con 64 puntos tres la cuarta preba disputada en Mieres. Jeison Franco, d’El Madreñeru, de La Pola Siero, ye segundu con 58 puntos, mentes que Jonathan Trabanco, de la Sidrería Los Portales, tamién de La Pola Siero, ye terceru con 53.

 

(Visited 600.555 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies