Inicio > AS > Eventos > 9.403 echaoes. ¡Récor batíu!
Eventos

9.403 echaoes. ¡Récor batíu!

La XXVI edición de la Fiesta de la Sidre consiguió batir el propiu récor d’echáu simultániu de sidre, en cuasique 1.000 presones respeutu al anterior récor de 2015.

VER VIDIU

VER SEMEYES

LA SIDRA.- El disgustu del añu pasáu onde por primer vegada nun foi posible bater el récor d’echáu simultániu fexo que la sociedá xixonesa se movilizare y consiguiere llevar a la sablera d’El Castrillón a ná menos que 9.403 presones, mui perriba del anterior récor de 2015 que movilizó a 8.564 echaores.

 

L’afluyencia al eventu foi tanta que los mesmos entamaores viéronse na obligación de cortar l’acesu a la sablera d’El Castrillón, colo que’l récor quedó en 9.403, pero podríen ser munchos más.

Esta convocatoria ca vegada cunta con más sofitu popular, y son munches les presones que yá van a ella con tolos argadiellos precisos pa facer una bona merienda en familia o colos collacios, siguiendo la forma tradicional de les xires de les fiestes populares asturianes… Eso sí, l’añu que vien el récor va ser más difícil de bater, habrá que ponese les piles dende yá, y ¿por qué non? entamar a organizase pa dinamizar la convocatoria y garantizar el nueu récor.

(Visited 843.635 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies