Presentáu’l cartelu que va anunciar esta nueva edición, la 47 yá, del Festival de la Sidre.
LA SIDRA.- El ganador del concursu, Sergio Iborra, desplicó que col cartelu quinxo reflexar a golpe visual l’ambiente festivu nel que miles de brazos, manes y botelles puen vese n’alto echando al unísonu. Para ello utilizó los verdes y mariellos representativos de la sidre, asina como les mazanes.
L’Alcalde pela so parte manifestó que’l cartelu ye tresgresor, que reflexa lo que ye’l Festival de la Sidre, fiesta, sidre y bon humor, y que nun va dexar indiferente a naide. Ye un apueste ventureru pero que gustó a los miembros del xuráu siendo una de les deliberaciones más rápides a la hora escoyer los cartelos nestes postreres ediciones.
Juan Giordano, miembru del xuráu encargáu de la seleición del cartelu, cuenta que sosprendió muncho d’ente los 68 presentaos al concursu, yá que-yos atrapó la llínia gráfica, la personalidá que se vía detrás del diseñu y qu’apela a esa transxeneracional del Festival.
La intención ye asitiar el cartelu nel mural de la plaza Manuel Uría en prósimes feches pa, d’esta miente, siguir col espardimientu del Festival a toos aquellos visitantes que visiten la villa sidrera.
Otra de les acciones que se van llevar a cabu pa promocionar el Festival ye realizar la presentación nel Centru Asturianu de Madrid, aisna como intentar consiguir echar sidre y espichar un tonel na Puerta del Sol de la capital d’España
