Inicio > Chigres > 4 referencies pal mariscu
ChigresChigresEncamientosGastronomía

4 referencies pal mariscu

Sigún siñala la sabiduría popular, los meses en que’l so nome incluyir una ‘r’ son ideales pa tastiar el mariscu; asina que vamos a ello y escomencemos la seronda con allegría tastiando estos maraviosos regalos que mos ufierta’l mar Cantábricu… amás, tou bon asturianu y asturiana saben que nun hai ná meyor qu’esfrutalos con unos frescos culinos de sidre

 

Nuevu Cheff Fidel, sidrería. Xixón
Pa esfrutar del mariscu

Con céntricu allugamientu, ente la Plaza d’Europa y los Xardinos de Begoña, esti chigre destaca por un escelente tratu a los veceros, y, poques gracies, pola cocina casera qu’ufierten. Ta llegando la seronda y per ende ye tiempu d’esfrutar del mariscu. Venir tastialo a esti llocal ye una perbona opción, dao que los sos parroquianos destaquen tanto como lo tresnen como’l tamañu les raciones y el so preciu. Tamién el so menú del díi ye bien demandáu. La sidre que tienen ye Menéndez, Llagar de Quintana y la DOP Val d’Ornón.

Direición: Padilla, 12
T. 985 086 387
Xefe cocina: Joaquín Fernández Vega
Horariu cocina: 12:00 a 16:00 y de 20:00 a 24:00
Descansu: Llunes
Suxerencies: bacalláu a la sidrw, chipirones al Cabrales, pulpu encebolláu y callos caseros

 

Nueva Uría, Sidrería. Xixón
Escelente relación calidá-preciu

Asitiada al llau de les piscines d’El Llanu atopamos esti chigre especializáu en gastronomía tradicional asturiana. D’ella los sos veceros destaquen el respetu col que traten los productos d’esta tierra; cualidá esencial pa tresnar el mariscu. Amás, p’asegurar la so frescura, cunten con cetária propia. Amás del bugre, andariques, zamburiñes, gambes o ñocles, tamién ufierten unos chipirones afogaos que son más que d’encamentar. Echen: Acebal, Foncueva, y les DOP Trabanco d’Escoyeta, El Carrascu y Villacubera.

Direición: Poeta Alfonso Camín, 32
T. 985 383 334
Xefa cocina: Laura Zapico
Horariu cocina: De 13:00 a 24:00 hrs.
Descansu: Nun presllen
Suxerencies: pexe y mariscu del Cantábricu.

 

La Quinta de Quique, restorán-parrilla. Navia

Nun alrodiu privilexáu

Asitiáu n’una de les villes marineres por excelencia como ye Navia, La Quinta de Quique ye un restorán perafayaízu pa esfrutar tantu de la redolada como de la acuridiada atención qu’ufierten a los sos veceros; y, poques gracies, de la so escelente ufierta gastronómica. Equí’l mariscu ye escoyíu curioso pa dempués tresnalu con tol respetu que merez. Cunten con ampliu aparcamientu, zona infantil, gran terraza y ye más que d’encamentar pa cellebrar ceremonies o cualisquier triba d’eventu. Sidre: Trabanco y Trabanco d’Escoyeta.

Direición: Villar s/n Villapedre
T. 985 47 20 95
Horariu cocina: De 12:00 a 16:00 y 20:00 a 24:00
Descansu: Pel hibiernu presllen llunes, martes y miércoles pela nueche
Suxerencies: pexes y mariscos del Cantábricu, carnes a la parrilla, chuletón.

 

La Villa, Sidrería-restaurante. Navia
Si queremos esfrutar del mariscu…

En La Villa son especialistes en mariscu, polo que si queremos esfrutar d’esti regalu de la mar, esti ye’l nuesu sitiu. En primer llugar porque siempres cunten con productu de primera; y tamién pol remangu que demuestren los sos cocineros al tresnalo. Ufierten centollos, ñocles, bugres, gambes d’Huelva, llagostinos, andariques, zamburiñes, muergos. ¡Hai que’entrugar poles sos ufiertes! Tocánteness a sidre, les que tienen son Castañón, Val de Boides, Foncueva, Trabanco d’Escoyeta; y tamién el vermú de sidra Roxmut.

Direición: Ramón de Campoamor, 4
T. 985 62 48 84
Xefe cocina: Iván Pandorial
Horariu cocina: De 12:00 a 16:00 y 20:00 a 24:00
Descansu: Llunes
Suxerencies: pexes y mariscos del Cantábricu, carnes asturianes.

(Visited 686.386 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies