Inicio > Gastronomía > Tresnando ‘Samartín del Pinchu’
GastronomíaLlagares

Tresnando ‘Samartín del Pinchu’

Va cuntar cola collaboración oficial de Sidra L’Allume y del conceyu de Samartín del Rei Aureliu

LA SIDRA.- Los cafés, gastrobares y chigres de Samartín del Rei Aureliu prepárense pa la cellebración de ‘Samartín del Pinchu’, llegando yá a la décima edición, ebntamáu por Ecosam, y cuntando cola collaboración oficial de Sidra L’Allume y del Conceyu.

L’alcuentru va cellebrase ente’l vienres 18 y el domingu 20 d’ochobre, y nelli los participantes van poder tastiar pinchos nos establecimientos hosteleros participantes repartíos per Blimea, Sotrondio y L´Entregu.

“Los hosteleros tornarán superase n’orixinalidá y pallo los pinchos y tapes van cuntar con ingredientes como pixín, pulpu y gula, a los que se van añedir como novedá l’usu de rabu de toru, xabalín o la cochinita pibil” indiquen dende la organización y amiesten: “los productos más sorprendentes d’esti añu son l’usu complementariu d’almendres, chocolate malvariscu, quivi, aguacate, pláganu machu o xelatina de vermú, al pie de cremes de cogordes, calabacinos o mueyu wasabi”.

Xusto un díi enantes d’escomenzar l’eventu, concretamente’l xueves díi 17 d’ochobre, va realizase l’actu de presentación de los pinchos a concursu, según la valoración del xuráu compuestu por profesores y alunos de les Escueles d’Hostelería de Valnalón y Moreda. Tou ello realizaráse nel salón d’actos de la Casa la Cultura de L´Entregu.

Fotografía: xuráu d’años pasaos deliberando sobro los pinchos a concursu

(Visited 683.536 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies