Inicio > AS > Noticies > Yo teo mieu al gobiernu asturianu
Noticies

Yo teo mieu al gobiernu asturianu

Alrodiu l’artificial alderique sidre vasco/ sidre asturiano entamáu polos medios de comunciación d’Asturies y a les llamentables declaraciones al respeutu de la Conseyera de Mediu Rural, Mª Jesús Álvarez, surdieron abondes rempuestes nes redes sociales, equí recoyemos la de David M Rivas pola claridá de la so esposición y lo irrefutable del so plantegamientu.

LA SIDRA.- “Yo teo mieu al gobiernu asturianu!”. David M. Rivas

El gobiernu asturianu nun tién miéu a la sidre vasco con denominación. Yo tanpoco. Yo teo miéu al gobiernu asturianu. Tamos gobernaos por xente que tarrez lo asturiano y qu’odia cualisquier resclavu d’identidá. Llexisló contra l’entornu cultural sidreru ata hai dos díes, llegando a meter la sidre –menos mal que nun saliera p’alantre- nel mesmu epígrafe penal que la xinebra y cuasi que la cocaína.

 

Xente que permitiera qu’una descomada de patrimoniu saliera pal País Vascu: llagares enteros, toneles más que centenarios, pipes, tarreñes, zapiques… Yo mesmu tuvi nuna sidrería vasca onde había un llagar pervieyu, típicamente vascu. Entrugué por cómo llamaben a esi tipu llagar. Nun lo sabíen. Yo sí: yera un llagar de sobigañu compráu nel conceyu de Villaviciosa.

Nun teo miéu a los vascos pero sí a los socialistes asturianos y asociaos. Y tamién a munchos paisanos que nun son gobiernu. Y tamién a esos industriales que nun son a poner una etiqueta n’asturiano o que ponen nes botelles d’esplumosa “spanish cider”. Ehí ye onde mos van ganar, na batalla de la identidá.

La sidre vasco ye malo y va siguir siéndolo, anque nun-yos lo deseo. Quieran los dioses que lo faigan bono y que lo vendan bien. Lo dicho: a min danme miéu los de casa.

(Visited 711.758 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies