Inicio > AS > Noticies > Edición esclusiva de Sidra Valle, Ballina y Fernández Brut Nature
Noticies

Edición esclusiva de Sidra Valle, Ballina y Fernández Brut Nature

VBFSedrá namás de  3000 etiquetes y ta camentada pa los brindis d’estes feches.

LA SIDRA.- Grupu el Gaitero sacó al mercáu una edición esclusiva de la sidre Valle, Ballina y Fernández Brut Nature. “La so presonalidá ye intensa, complexa y delicada” siñalen dende la empresa. Esta edición va costar de namás 3000 etiquetes, la botella cuesta 10 euros y pa consiguila una o más d’elles pue faese un pidíu al traviés de corréu lletrónicu. 

 “Valle, Ballina y Fernández Brut Nature ye un productu bien especial. Tratase d’una sidra llonxevo na que los saborgos primariu y secundariu entemecen de forma maxistral. Sospriende esa combinación de delicadeza y complexidá, frutu d’años d’intenses investigaciones” despliquen dende El Gaitero y siguen: “Pa ellaborala, aplíquense téuniques emplegaes n’otros productos como’l xampán, y qu’apurren una calidá superllativa: maceración, prensáu, primer formientadura lenta a baxa temperatura y segunda formeentaura en botella”.

 

Esti productu algámase de magar una sidre base tradicional, con amiestu de variedaes de mazana de la DOP Sidre d’Asturies. “A la vista ye de collor mariellu ambarín con finos y abondosos rosarios. El so arume ye complexu, con notes llambiones y una alcordanza a lleldu. En boca combina volume y frescor y resulta harmónica, amplia, seca y bien equillibrada. Tien un pasu elegante con un final delicáu ya intensu, onde tornen a surdir eses notes de pastelería y lleldu. Convida a ser tastiada pausadamente, pa saborguiar en ca tragu tolos matices que brinda” detallen.

(Visited 2.465.807 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies