Inicio > AS > Noticies > Sidrada pa recuperar les fiestes de Trubia
Noticies

Sidrada pa recuperar les fiestes de Trubia

La sociedá de festexos de la llocalidá llevó a cabu una iniciativa cola nuesa bébora tradicional coles mires de recaldar fondos.

LA SIDRA.- L’añu pasáu nun hebio fiestes “grandes” en Trubia. La Sociedá de Festexos de Trubia (Sofretru) nun ta dimpuesta a qu’esto torne asoceder y por esti motivu entamó una “sidrada” la pasada fin de selmana. L’alcuentru escomenzó a les siete y media la tardi. Por cinco euros que costaba’l vasu, los asistentes pudieron beber tolos culinos que quinxeren nes terraces de los establecimientos de la Sidrería El Monte y El Bodegón de Trubia. Y como en toa bona folixa que s’aprecie, tampoco nun faltó pinchoteo p’acompangar a la nuesa bébora tradicional.

El tiempu acompangó y tantu residentes comu visitantes esfrutaron d’una risondera nueche na qu’el karaoke amenizó la velada. Recuperar les fiestes como se faíen d’antiguo va ser un retu que va encarar la llocalidá los prósimos díis 8, 9, 10 y 11 de xunetu.

 

Conocíes comu les “fiestes de la fábrica” o les fiestes grandes de Trubia”, estes cellebraciones cuntaben con desfile de xarrés, bailles tradicionales, xigantes, cabezudos y claro muncha sidre pa pasalo en grande.  

(Visited 1.650.785 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies