Inicio > AS > El VIII SISGA deleita al públicu internacional
ASCompetitionsCultura sidreraENESEventosEventosEventsGastronomíaInternacionalNewsNoticiesSidreturismuSISGATastiesTasties

El VIII SISGA deleita al públicu internacional

Ayeri miércoles díi 8 d’Agostu tuvo llugar la cabera de les dos presentaciones de la ochava edición del Salón Internacional de les Sidres de Gala nel Festival Intercélticu d’An Oriant.

LA SIDRA.- La Fundación Asturies XXI garró la ocasión d’esta edición del mayor festival de folk y cultura celta del mundiu cellebráu n’An oriant (Lorient) p’averar al públicu ún de los mayores eventos sidreros d’Europa, que tendrá llugar en Xixón los díis 28, 29 y 30 de setiembre.

Demientres dicha presentación, fecha nel pabellón d’Asturies, los asistentes pudieron tastiar y conocer les meyores sidres internacionales, ye dicir, les qu’algamaren premios nel SISGA.

Aparte de les meyores sidres axampanaes y de mesa d’Asturies representaes polos llagares CastañónCortina, Mayador, La Naveta, Riestra y Viuda de Angelón, el selectu grupu de convidaos pudio conocer otres munches d’otros 8 países destremaos. Dende sidre alemana, de Luxemburgu, los Estaos Xuníos, Inglaterra, Italia y d’otres naciones celtes comu Cornualles, Irlanda o la propia Bretaña, anfitriona del festival.

Del bayurosu grupu d’asistentes cabe destacar los representantes de les delegaciones d’Islla de Man, Cornualles, Galicia ya Irlanda, amás de dellos representantes bretones, los muerganizaores de la carpa d’Asturies (Nicolas Radin y Jesús Adrián Rodríguez Álvarez col sofitu la Oficina de Turismu d’Asturies) asina comu miembros de la muerganización del propiu festival y cuásique la delegación Asturiana al completu cola correspondiente presencia de la prensa y del delegáu Iñaki Sánchez Santianes.

D’esta miente, Asturies afitó’l so papel comu nación celta ya embaxaora de la cultura la sidre, tantu nuesa comu internacional y el SISGA tornase nun referente pa les sidres d’alta calidá.

(Visited 668.301 times)
Anzu Fernándi
http://www.sisga.info
Anzu Fernández ye'l dellegáu internacional de LA SIDRA y la Fundación Asturies XXI, amás de coordinar les tornes. Elli ye l’embaxaor de la sidra asturiana nes principales feries internacionales de la sidra y responsable de les dellegaciones internacionales del Salón Internacional de les Sidres de Gala (SISGA).

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies