Inicio > AS > Chigres > Tortos y Fayuelos en Sidrería La Fontana
ChigresEncamientosGastronomía

Tortos y Fayuelos en Sidrería La Fontana

La Sidrería La Fontana, a un pasu de la Casa Conceyu y de la Xeneral de La Pola, destaca polo lluminoso, amplio y pol prestosu tratu al veceru.

Pero vamos ser sinceros, nun fui ellí por eso, sinón pola so cocina llariega, que tantu remembra la que facía mio güela, tamién polesa.

Como platu fuerte sirviéronme unos tortos rustidinos, con picadillu, salsa quesu y dos güevos, una bona ración acompangá d’abondes patates frites.

Agradecí que’l picadillu tuviere un toque picante, non endemasiao, pero tampocu desaborío, comu pasa endemasiao d’avezu.

De postre, otru clásicu, fayuelos, nesti casu enllenos de chocolate prieto y con ñata.

Pa completar, unes botelles de sidre Prau Monga, la DOP de Viuda de Angelón, bien echao.

Perencamentable.

SIDRERÍA LA FONTANA- Eladio García Jove 2 – La Pola Llaviana t.985 61 17 02

 


(Visited 2.445.874 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies